Ang Araw Ko (At Inangkin Ko Nga Talaga!)

Sa araw na ito, ako ang sikat

Mga pagbati, saan ma'y nagkalat

Sa bahay, opisina, maging sa social media,

Lahat ay may greeting na kanya-kanya

Kagabi ako'y pumasok na hindi ko madama

Kung ang araw ko ba ay magiging maligaya

Subalit nang magsimula ang mga pagbati,

Hindi ko naiwasang, ako ay mangiti

Ilang text message, ang aking natanggap

Ang FB wall ko daw ay sarado, hindi mahagilap

Sorry naman po, mga kapuso't kapamilya

Nag-iinarte lang po, minsan lang naman 'di ba?

Sa mga nag-abot na ng kanilang mga regalo,

Ako po'y nagpapasalamat ng taos-puso

Sa mga wala pa naman po, wag kayong magworry

I accept late gifts, so you don't have to hurry

Sa birthday blog na ito, magpapakapuyat ako

Feeling ko kasi instant celebrity ako

Lahat nang makasalubong, sa akin ay bumabati

Parang lahat sila ay akin ngang kabati (joke lang po!)

Pero seryoso, ako'y lubos na nagagalak

Na sa araw na ito, ako ay pinanganak

Kasi si Joan Jett (idol kong gitarista) ay ka-birthday ko pala

Pati si Tatiana Maslany na idol ko namang artista

Sa aking kaarawan, ako'y may kahilingan

Sana sa taong ito, ako nama'y mabiyayaan

Ng career sa musika, o di kaya'y literatura

Upang ang aking talento'y wag ko namang ibasura

Sa pagtatapos, nais ko lang pong magpasalamat

Sa aking mga kaibigan, kapamilya, at mga tagihawat

Dahil hindi nila ako iniiwan, at lagi lang silang nandiyan

Upang ako ay damayan kahit na sa'king katamaran

O siya, ang tulang ito ay hanggang dito na lamang

Wala na rin kasi akong maidugtong o mailaman man lang

Ako ay matutulog na, at gigising nang maaga

Upang manood ng sikat ngayong si Heneral Luna

hourglass

Paano Magluto ng Instant Pancit Canton with Feelings

Oo, instant kasi mahilig ka naman talaga sa instant. Ayaw mo kasi ng pinaghihirapan. Kaya mo nga ako nakuha di ba?

Una, buksan mo yung pakete. Yung bukas na bukas para kita mo agad yung noodles at condiments. Parang yung ginawa mo sa puso ko, binukas ko para sa'yo para makita mo agad ang worth ko pero wala, sinaktan mo pa din ako.

Pangalawa, magpakulo ka ng tubig at kapag kumukulo na, lagay mo na yung noodles. Dahan-dahan lang para walang matapong noodles. Pagkatapos, iwan mo saglit at balikan mo pag luto na. Sana nagdahan-dahan ka din sa akin, ano? Hindi yung bigla mo na lang akong iniwan at hindi na binalikan.

Yung huli, oo, lahat talaga may katapusan, yung bawat buwan nga, may katapusan eh. Kapag luto na yung noodles, ihalo mo na yung condiments para magkalasa yung noodles. Tama, boring naman talaga yung noodles kapag walang lasang nakahalo. Iyan siguro ang naisip mo noon kaya bukod sa akin, humanap ka pa ng ibang lasa. 

Ayan, luto na, kainin mo na at kuha ka ng tubig pantulak. Tulak kita sa bangin eh! Magsama kayo ng instant pancit canton mo, artificial, hindi totoo at higit sa lahat, manloloko kasi hindi naman talaga mabuti sa kalusugan!

hourglass