Commuting 102: Mga Eksena Tuwing Magcocommute Ka

When you don’t have your own car or wala kang generous na friend na magsasabay sa’yo pauwi, talaga nga namang no choice ka kundi magcommute thru PUV’s like FX, jeep or bus. Kaso, sa sobrang hirap magcommute sa Pinas, kailangan mo ng balde-baldeng pasensya at positivity. Sa traffic at nakakainis na pagpila, iwiwish mo na lang siguro na isa ka sa mga X-Men na nakakatravel nang walang hassle o nakakapagpatigil ng oras  o nakakacontrol ng mga tao at bagay.

Kaya naman, kung certified commuter ka, for sure, familiar ka na sa iba’t-ibang eksenang nagaganap sa mga terminal, hintayan ng PUV’s o kahit na saan na pwedeng magsakay at magbaba ang mga pampublikong sasakyan. Narito ang ilan:

1. Instant Sine

-> Nakakainip naman talagang pumila at maghintay, lalo na kung pati lovelife mo eh matagal mo nang hinihintay. So, may ilang commuters tayo na tuwing nasa pila, ang ginagawang pampalipas oras ay ang panonood ng movie o series sa kani-kanilang cellphone, IPAD o tablet. Siyempre, kung hindi ikaw yung nanonood at yung nasa unahan mo ay nanonood, hindi naman siguro masama na makipanood ka na din. Wag ka nga lang masyadong obvious na kinikilig ka or mapasigaw ka sa pakikipanood. Remember: Nakikipanood ka lang, huwag masyadong careerin.

2. Mala-telenovelang Awayan sa Pila

-> Sa sobrang bagal nga naman minsan umusad ng pila eh mangyayari talaga na kapag nagkasingitan sa pila eh kasunod na nito ang awayan. Nakakatuwa lang na kung minsan, sa init ng diskusyon eh parang awayan na sa telenovela ang iyong pinapanood. Anjan yung naungkat na kung paanong hindi pinalaki ng maayos ng magulang, yung kalalaking tao eh hindi magbigay sa mga babae, atbp na talaga namang pagkalalim ng hugot at full of emotions pang ideliver kung minsan.

3. PDA (Pokemon Go Display of Addiction) 

-> Mula nang nauso ang Pokemon Go, isang game kung saan huhuli ka at magttrain ng pocket monsters (which I’m sure alam mo naman talaga at hindi ko na kailangang iexplain), aba eh parang nagkaroon ata ng craze sa Pilipinas at everywhere ay makakakita ka ng naglalaro nito. Siyempre, hindi ligtas jan ang mga PUV’s kasi mas pabor sa mga nagttravel  by car ang panghuhuli ng mga pokemons na ito.  Nakakainis lang na kung minsan, nakakagulat yung tunog kapag may pokemon na ready to catch. Aba eh, kung nakakatulog ka na sa fx o jip, asahan mong instant alarm ang tunog nay un. Tip: Sa mga adik sa Pokemon Go, ingat lang po everyday kasi baka mapasama kayo sa listahan nina Pres. Duterte at Gen. Bato ng mga adik.

4. Chikahan-On-The-Go 

-> Admit it or not, nakakainip naman talagang magcommute mag-isa, so kung may kaklase or katrabaho ka na same sa’yo ng uuwian o malapit lang naman at madadaanan, siyempre sasabay ka na sa kanya di ba? And most of the time, once may kasabay ka, sa sobrang kwentuhan niyo eh para kayong mga dyaryo na hindi nauubusan ng topic at balita (chismis). Yun tipong sa pila pa lang, nakabuo na kayo ng isang pampelikulang kwento (totoo man o hindi) tungkol sa isang tao, then pag nakasakay na, tuloy pa din, yung sequel naman. Ang matindi pa, kahit na pumreno si Manong Drayber at muntik na kayo maaksidente, aba eh tuloy-tuloy lang. Because chismis is life. Chikahan-on-the go is life.

5. That “Pasok Lang, Maluwag Pa” Moment

-> Kung certified commuter ka lalo na ng jeepney at bus, I’m sure sawang-sawa ka na sa eksenang eto. Kung hindi pa nasisira ang araw mo sa sobrang haba ng pila at ingay, amoy at kaartehan ng mga kapwa mo commuter, malamang eh pag nabiktima ka ng linya na eto, tuluyan nang mag-ON ang beast mode mo. Eh si Manong Drayber kasi o kaya si Kuya Barker, alam naman na hindi na kasya, sige lang ng sige sa pagpapapasok kahit para na kayong sardinas sa sobrang siksikan. Ang masaklap pa, yung pamasahe mo, kagaya lang din ng pamasahe ng iba na komportable ang upo kesa sa’yo.

Para sa mga araw-araw na nakikipagsapalaran sa mundo ng pagcocommute sa Pilipinas, saludo ako sa inyo! Sana ay naentertain kayo sa familiar na scenes na binanggit ko at nawa’y nag-throwback kahit kaunti ang inyong experiences  (so far) sa masalimuot na mundo ng pagbbyahe.

Kung hindi niyo pa nabasa ang una kong nasulat tungkol sa iba’t-ibang uri ng commuter na meron sa Pilipinas, sundan lamang ang link na ito: Commuting 101: Top 10 Most Common Types of Commuters.

Okay, hanggang sa muli, mga bes! Mag-ingat sa byahe at huwag hayaang masira ang iyong araw ngayon, bukas na lang. :)

hourglass

Bida Sa Eleksyon 2016

Eleksyon 2016 ay paparating na

Ang mga kandidato malamang ay nagmamadali na

Kampanya  doon, kampanya dito ang mga pulitiko

Pero sino-sino nga ba ang iyong iboboto?

Sa pagka-Presidente, maugong ang labanan

May iba’t-ibang karakter ang mga nagsasalpukan

Parang nasa telenovela kung sila ay magdebate

Kanya-kanyang pabida ng kanilang mga sarili

Nandiyan si Mar, ang Mr. Palengke

Nagmula sa politikal na lahi, animo nama’y disente

Asawa ni Korina, tumatakbo sa tuwid na daan

Subalit nang tinanong ang rason ng pagkandidato,

Aba ang sagot, para hindi mawala sa pamilya ang liderato

Hindi rin pahuhuli si Mayor Duterte

Ang Superman ng Davao, tagapagtanggol ng naaapi

Sa kanyang katapangan, marami ang nabighani

Kaya daw niyang baguhin ang Pilipinas sa loob lang ng ilang buwan

Anong pagbabago nga kaya ang sa atin ay nakalaan?

Kung may Superman, siyempre meron ding Wonder Woman

Miriam Defensor-Santiago ang pangalan

Kung experience lang sa politika, siya ang may pinakamarami

Ang ating binibini’y angat sa dunong, talino at karakter

Subalit mahirap daw sumugal dahil sa siya ay may cancer

Sino rin ba ang makakalimot sa nognog from Makati?

Na sa atin daw ay nagnakaw ng bilyon-bilyong salapi

Si Binay si Binay, basta corrupt, lagi na lang si Binay

Pero kanyang ipinagmamalaki: libreng pagamot, paaral at mga naipatayong gusali

Kung siya ang magwawagi, sana sa buong bansa din, hindi lang sa Makati

Para kumpletuhin ang listahan, nariyan din si Grace Poe

Anak ni FPJ, ngunit siya daw ay hindi talaga Pilipino

Mahusay magsalita, ramdam ang puso at sinseridad

Subalit sa experience sa pulitika, siya daw ay kulang pa

Kung track record ang pag-uusapan, siya ay amateur pa

Sa darating na eleksyon, nawa’y tayo ay maging mahusay

Sa pagpili ng mga magiging lider, tayo ay magnilay-nilay
Huwag yung puro salita lang, bagkus ay yung may magagawa

Bumoto nang naaayon sa iyong gusto, hindi lang sa tayo ay nakikiuso

  

Higit sa lahat, atin din sanang mapagtanto

Na wala sa mga kandidatong ito ang sagot sa ating bawat gusto

Kung tayo lamang ay may disiplina at respeto sa isa’t isa,

Ang ating bansa sana ay noon pa naging masagana

Kaya kaibigan, sana’y maisip mo na,

Sa darating na eleksyon, ikaw pa rin ang bida

Pumili ng wasto at ilagay sa balota

Ang taong alam mong, hindi magiging kontrabida.

hourglass