May boses na sa aki'y
laging bumubulong
Kunwari'y nasasakal,
humihingi ng tulong
Kay tagal na panahong
ako'y nagbingi-bingihan
Kahit naririnig, ang
boses ay di pinakinggan
“Ngayon na! Gawin mo na!”
iyan ang kanyang sambit
Sa aking mga tenga'y sinasabing
paulit-ulit
Ngunit ako yata'y naging
masyadong matigas
Di agad naintindihan ang
gulong dinaranas
Heto ngayon, bumabalik na
naman
Sa aking isipan ang
nakaraan
Kung paanong ang boses ay
hindi dininig
Isinawalambahala ang
kawawang tinig
Pilitin mang itago,
palaging andiyan pa rin
Sa aking katauha'y pilit
na umaangkin
Minsa'y naguguluhan,
minsan nama'y nababahala
Hatid ng boses na pilit
gumagambala
Alam kong ang lahat ay
hindi pangmatagalan
Kaya't ang boses ay dagli
rin namang lilisan
Sa ngayon, hahayaan na
lamang ang boses na mangusap
Ng mga ninanais at di
maabot na pangarap
Marahil nga ang boses ay
nagpapahiwatig
Ng mga bagay na hindi
masabi ng bibig
Sa halip, kusa lamang na
mararamdaman
Ng ating mga puso at
tatanim sa isipan
Lahat tayo ay may boses
na iniiwasan
Dahil sa takot na sumubok
o kaya'y masaktan
Anuman ang mangyari, saan
man maglakbay
Ang boses ay mananatili
sa ating buhay
Dinggin mo man o hindi,
ang boses ay nariyan
Sa anumang gawain, ikaw
ay gagabayan
Sa iyo’y ituturo ang
tamang daan
Patungo sa buhay na
walang pag-aalinlangan.
hourglass
No comments:
Post a Comment