Matagal ko na tong plano. Sabi ko, dahil parati na lang akong gising pag madaling araw, gagawa ako ng parang diary. Ikkwento ko dun kung ano ang naexperience ko sa madaling araw na yun, o kung may lesson ako na natutunan, o natanga na naman ako, naligaw sa byahe, nainis, natakot, o kung anu-ano pa na pwedeng ikwento. Hindi ko naman sinasabing may pakialam ang ibang tao sa experiences ko, malamang kasi eh wala. Pero wala eh, gusto ko lang, tsaka minsan naman wala din akong pakialam sa kanila so quits lang.
Kung nababasa mo eto ngayon, congrats! Isa ka sa mga unang tao na mabubulabog ko para samahan ako sa aking pagpupuyat. And since nagsimula na ako sa diary na eto, dapat lang siguro na magpakilala muna ako.
Pero, ayoko kasi sabihin ang pangalan ko, baka masyado tayong maging close. Huwag muna. Kaya, tawagin mo na lang muna ako na "Gram", hindi "Gram" as in yung measurement ah, hate ko kasi ang Math. Call me "Gram" as in short for grammar. Favorite subject ko yung English eh, kahit hindi naman ako magaling magpronounce at lagi akong nabubulol o pag nagsasalita ako ng words na may "th" eh parang laging silent yung "h". Friendly daw ako, sabi nila (baka kaya madami din akong friends sa Facebook). Madali akong matuwa sa mga simpleng bagay, pero madali din naman akong mainis sa kanila. Halimbawa kanina, tawang-tawa ako sa joke ng kaibigan ko na napakacorny naman, tapos nun may nabasa ako na joke sa Newsfeed ko (na corny din), nairita naman ako sa ka-cornyhan. Hehe. Ano pa ba? Ahm, mejo tamad ako sa gawaing-bahay pero ayoko din naman ng magulo ang bahay kaya may chances na sumisipag ako (incidentally). Hindi ako masyadong mahilig kumain pero base sa katawan ko, parang past time ko ang pagkain. Haha! Mabagal akong kumilos, may sarili akong way ng kaartehan, mainipin din ako at minsan, lagi akong galit (minsan na, lagi pa?) Ganyan ako kagulo kasi. Mahilig pala ako sa music, pinapakinggan ko kahit anong genre, at take note, sa sobra sigurong pagkahilig ko sa music kaya ako mejo may kabingihan. Gusto ko kasi sa music, malapit lang sa tenga ko eh, so ayun. Di ako masyadong mahilig sa OPM pero lately, mga OPM ang pinapakinggan ko, maiba naman sa mga usual na playlist. Kumakanta ako konti, tugtog ng gitara konti, pero pinakakonti, pagtugtog ng keyboards. Hindi naman kasi ata talaga ako marunong eh, may alam lang kaya kahit paano, kaya kong sabihin na marunong akong kumanta o tumugtog..konti. Sporty din pala ako, mahilig akong manood ng basketball or volleyball games. Naglalaro kasi ako dati, pero matagal na panahon na yun, hindi ko na nga maalala.
Ang dami ko nang nasabi di ba? Gusto ko nga kasi ang nagkukuwento. Kaya kong magkwento ng mga kwento na totoong nangyari o nangyayari pero never pa talaga akong nakagawa ng kwento na iiimagine ko lang. Mahina kasi siguro ang imagination ko kaya hindi ako makagawa ng fiction. Pero sa lahat pala ng mga sinabi ko, ikaw ang bahala kung papaniwalaan mo.
So, ano nga ba talaga ang kwento ko for Day 1 ng aking Dawn Diaries?
Ayun na, nasabi ko na lahat sa taas. Ngayong madaling araw, nadiscover ko lang naman kung sino ba talaga ako basically. Kumbaga, I've come to realize kung ano talaga ang foundation ng personality ko. Siyempre, hindi naman ako magiging kung sino ako ngayon, kung hindi ko malalaman ang mga bagay tungkol sa sarili ko. Good or bad traits, dapat alam natin ito tungkol sa atin. Kaya nga laging may positive at negative, black and white, alpha and omega, kasi two-way lagi ang buhay. Two-way ang acceptance ng kung sino o ano tayo, sa harap ng pamilya natin, ng mga kaibigan natin, o natin, sa harap ng salamin.
P.S.
Kung hindi ka pa din makatulog kagaya ko, take some time to think about yourself: about who you really are, what you like, you dislike, ano yung mga trip na nagpapasaya sayo, o nagpapalungkot, greatest fear mo, o most embarrasing moment mo (so far). When you finally knew, hold on to those precious details because those things about yourself are the ones that will define you, no matter what happens.
hourglass
